Feature newsHyderabadTop News

Shayer e Ahlebait (a) Janab Mirza Fareed Baig sahab

Ye Khabar Nihayat hi Afsos ke Saaty padhi Jaarahi hai ke Shehre Hyderabad Ki Mashoor o Maaroof Shaksiyat Shayer e Ahlebait (a) Janab Mirza Fareed Baig sahab ka Achanak Qalb par hamle ki wajah se 4:30 Baje Din inteqaal huwa,
Marhoom ki Shaksiyat Saare Hyderabad hi me nahi balke bayn al aqwami shohrat yafta thi, Hindustan Ke Saath Pakistan Me Bhi aapke Nauhe Badi maqbooliyat Rakhte hain.
Marhoom Fareed Baig Ke Be Hisab Nauhe Jaat Hyderabad Ki kai Anjumanein padhti hain, jin me qabil e zikr Anjuman E Parwane Shabbir, Anjumane Masoomeen, Anjumane AlAbbas, Anjumane Aun o Mohammad aur deegar Anjumanein. Marhoom Kam gooyi ke Bawajood Bolne Wale Kehlate the. Marhoom ne la tadad nauhe jaat likhe hain, jin me se qabil e zikr nauha “Arabayeen Karna Hai Shahe Karbalayi Ka” “Islam Ko Sholoun se Bacha le Gayi Zainab” “Lahoo Me Doob Gya Jab Shabihe Paighambar” “Aye Zainab o Kulsoom Khuda Hafez o Naser” “Karbala La Ilaha Illlallah” “Aye Hussain Jaan” “Alajal Aljal Ya Imam e Zamaan.
Marhoom Fareed Baig Sahab ke Nauhajaat ko Mir Saber Ali Zawwar Marhoom Bohot ache andaaz me padha karte aur wo nouha khwaani ko bhulaya nahi jasakta.
Marhoom ke Janaze me Shirkat Karne Waloun me Syed Jafer Hussain Cheif Editor Rooz Nama Sada e Hussaini aur hyderabad ke kai Anjuman aur Growhaan ke sudoor hain Jinme Sadr Anjuman e Masoomeen Mir Muqtar Ali Zawwar Sahab aur Growhe Jafri ke Sadr Agha Tanweer Hyder, Anjuman e Al Abbas ke Sadr  Syed Raza Abedi, Anjuman e Baqri ke Sadr Ghulaam Panjetan, Anjuman e Auno Muhammed ke sadr Syed Hyder Abbas Abedi, Anjuman e Ali Akbar ke Sadr Jawhar Anjuman e Sadaye Zahra ke Sadr Syed Mujtaba Muswi (Mujju) Dawood Ali Saheb Shaer e Ahlebait(a) Anjuman e shohda e Karbala Ke Sadr Mir Raza Ali Raza, Growhe Shaida E Shabbir Wasiq saheb, Janaab Haneef ali Sahab rukn e Central Waqf Council, Shuara Hazraat me Abed Sahab, Baqir Muhsin Sahab, Agha Saroosh Saheb ke alawah Deegar shuara Bhi Shareek Rahe.
Alawahe Sartauq Munarak me Mayyat rakhkar Majlis Barpa ki gayi, Marsiya Khwani ke Baad Anjuman e Masoomeen ke Mir Jaun Bin Saber aur Aqeel, aur Anjuman e Al Abbas Raza Abedi, Anjuman e Aun O Muhammed Hyder Ali Abedi ne Marhoom ke Nauha Jaat Padhe aur Deegar hazrat ne Bhi Nauhejaat Padhker Khiraaj e Aqeedat paish kiya.
Syed Jafar Hussain Chief Editor Roznama Sada e Hussaini ne kaha Ke Shayer e Ahlebait Janab fareed Baig Sahab ke Nauhe Jaat ko Hamesha Yaad Rakha Jayega ye ek aise munfarid shayer the jinko sadiyoun me bhi bhulaya nahi jayega unhone nauha jaat par mishtamil kitab La Ilaha Illallah bhi tarteeb di thi jis ki haal hi me Dewdi Inayat Jung Mandi Mir Alam me Kitab ki Ijrayi Amal Me Ayi thi, unke Inteqal se Jo Khala Paida Huwa Wo Kabhi Purr Nahi Ho Sakta.
Shaere Masoomeen Fareed Baig Ke Sanehe Irtehaal par Anjuman e Masoomeen ka Izhar taziyat, Sadr Anjuman e Masoomeeen Mir Mukhtar Ali Zawar ne Kaha ke Shayere Masoomeen Mirza Fareed Baig Saheb Ke Achanak Inteqal se Saari Anjuman ko Sadma pohncha hai aur unke inteqal se jo khala paida huwa hai wo kabhi purr nahi hosakta. Marhoom ke Anjuman Masoomeen se Daireena Rawabit the khaas taur se bani wa security Anjuman Masoomeen Mir Saber Ali Zawar Marhoom ke Ek Mazboot Saathi The Saari Anjuman Masoomeen Ahdadaar Tamam Nouha Khwaan ne marhoom ke achanak Inteqal par gahre dukh ka izhar kiya aur Dua e Maghferat ki

Comment here